Modificacións en BFFood con motivo da alerta sanitaria da COVID-19
Con motivo da alerta sanitaria causada pola COVID-19, o período de inscrición á I convocatoria de consolidación de BFFood amplíase sen unha data definitiva de peche ata que finalice o estado de alarma decretado polo Goberno.
Tal e como indica o DiarioOficial de Galicia do 15 de marzo de 2020, “os prazos de prescrición e caducidade de calquera accións e dereitos quedarán suspendidos durante o prazo de vixencia do estado de alarma e, no seu caso, das prórrogas que se adoptaren”. Informaremos en canto sexa posible da nova data de peche do período de inscrición ao programa de consolidación de BFFood.
Doutra banda, tal e como se informou nos perfís en redes sociais da aceleradora o pasado xoves 12 de marzo, quedaron aprazadas todas as actividades presenciais programadas para as próximas semanas co obxectivo de colaborar coas autoridades sanitarias e actuar con responsabilidade para garantir a seguridade de toda a poboación.
Concretamente, ditas actuacións eran as seguintes:
- Acto de presentación da I convocatoria de consolidación no edificio CACTUS do Campus Terra (Lugo)
- Xornada Xestión da Propiedade Industrial e Intelectual na sala de formación do Centro de Negocios de Porto do Molle (Nigrán)
- Acto de presentación da I convocatoria de consolidación no edificio Emprendia da USC (Santiago de Compostela)
- Presenza no evento Startup Congress Galicia en Palexco (A Coruña).
O equipo xestor de BFFood, as empresas tractoras e os mentores e mentoras seguirán traballando e estando dispoñible de forma online para os participantes da aceleradora e os nosos espazos coworking permanecerán pechados.
Agradecémosvos a vosa confianza e esforzo colectivo co #YoMeQuedoEnCasa para poder retomar canto antes a normalidade. Para calquera dúbida, podedes contactarnos no email bff@clusaga.org
