Coñecemos o proxecto Essence Food Technologies da man da súa CIO, Pablo López
Pablo López, Marcio Barradas e Ramón Suárez desenvolveron un proxecto que mantén a trazabilidad desde o cultivo ou produción ata o envase e entrega ao cliente co obxectivo de garantir a sustentabilidade en todo o proceso. Presentáronse á primeira edición de BFFood para dar resposta ao reto valoración de excedentes e foron unha das iniciativas seleccionadas.
Levan xa uns meses traballando na fase de aceleración, na que contan coa mentorización de Juanjo De la Cerda, director corporativo de I+D e calidade do Grupo Nueva Pescanova. Falamos con Pablo López, Chief Innovation Officer (CIO) de Essence Food Technologies para coñecer en detalle o proxecto.
- Que vos levo a presentarvos a BFFood?
O noso obxectivo de poder desenvolver nun contexto real un minimum viable product (MVP) que validase os nosos procesos e produtos en colaboración directa con empresas do sector da alimentación.
- Como xurdiu a idea dese produto mínimo viable do que falades?
Debido á nosa experiencia previa e ao noso interese por ofrecer solucións relacionados coa alimentación sustentable, que acheguen confianza e transparencia con blockchain, a partir de excedentes alimentarios, e con procesos de economía circular xurdiu Essence Food Technologies.
- Dais resposta ao reto valoración de excedentes exposto na primeira edición de BFFood, que tecnoloxías usades para o desenvolvemento do voso proxecto?
No noso proxecto traballamos con blockchain, secado por atomización, foodprinting e tecnoloxías habilitadoras da industria 4.0, tales como IoT, intelixencia artificial, big data, dixitalización avanzada, smart products…
- Formades parte da aceleradora da industria alimentaria galega, como definiriades ao sector?
Vemos que é unha industria preocupada pola sustentabilidade e as tendencias de mercado, pero, á vez, centrada en modelos de negocio maduros que lle leva a asumir poucos riscos e a limitar, así, a innovación.
- En BFFood contades cun mentor cunha dilatada carreira e experiencia no ámbito concreto do voso proxecto, como é Juanjo De la Cerda, director corporativo de I+D e calidade do Grupo Nueva Pescanova, que significa isto para vós?
É unha peza crave para acompañarnos en todo o camiño e axudarnos a axustar as nosas expectativas ao ritmo de mercado
- Creastes algún tipo de sinerxia co resto de participantes?
Si, tanto con algunhas empresas promotoras como con startups participantes en BFFood.
- Que obxectivo vos marcastes durante a vosa participación en BFFood?
Poder obter novos contratos para o produto mínimo viable que estamos a desenvolver, así como para os nosos servizos de I+D.
- Recomendariades BFFood a outros emprendedores?
Por suposto! Para nós un dos puntos fortes de BFFood é a posibilidade que nos ofrece de ter acceso ao contexto real de mercado.
- Por último, como vos gustaría que definisen o voso proxecto?
O obxectivo de Essence Food Technologies é facilitar a produción e consumo responsable co obxectivo de vivir nun planeta sustentable que posibilita unha alimentación intelixente con tecnoloxías avanzadas que garanten a esencia dos alimentos.
