BFFood no Centro de Investigacións Científicas Avanzadas (CICA)
A Universidade de A Coruña organizou a presentación de BFFood no Centro de Investigacións Científicas Avanzadas ( CICA). O evento contou coa participación da directora do Campus Innova, Susana Ladra, que inauguro a xornada.
Así mesmo, destacar a presentación de José Miguel Rivero Martín, director de Fábricas de España do Grupo Calvo, e de Juan Carlos Galán, do Instituto Tecnolóxico de Galicia (ITG). Finalmente, Andrés Faíña Medín, catedrático Jean Monnet de Economía Industrial Europea e director do Máster en Innovación e Estratexia Dixital, compartiu cos presentes os desafíos que a revolución dixital e a transformación das empresas supoñen para o ámbito do emprendemento.
Por último, Javier Osuna, xerente de BFFood, fixo un repaso das características da aceleradora e da convocatoria aberta ata o próximo 16 de maio.
