Ethical Farm Box, TOTALGAC food, Mindsaic, hk:coffee e Refix presentarán de xeito online as súas iniciativas aos diferentes investidores que asistirán ao demo day da Laconnetwork o 27 de maio.
BFFood participa na Maker Faire Galicia 2020
A sexta edición da Maker Faire Galicia desenvolverase do 18 ao 22 de novembro de xeito online, a través dunha plataforma que integrará ao museo gaiás de forma virtual para que os participantes poidan contemplar os stands dos proxectos e facerlles en directo preguntas.
O evento contará con charlas e mesas redondas sobre o sector da industria e a educación, así como con obradoiros, sesións interactivas e o hackathon de videoxogos Game Maker Jam.
O responsable de BFFood, Javier A. Osuna, participará o mércores 18 de novembro ás 10.45 horas na charla “Acelerando o ecosistema maker” xunto a Jorge Gómara, responsable de Business Factory Auto (BFA), Rodolfo Ojea, responsable de Business Factory Aero (BFAero), e Fany Suárez, responsable de programas da área de competitividade do Instituto Galego de Promoción Económica (Igape).
Nesta mesa redonda analizarán, entre outras cousas, as oportunidades que as aceleradoras ofrecen aos makers e o potencial que eles poden achegar ao tecido empresarial galego.
En edicións anteriores a Maker Faire Galicia reuniu a 50.000 persoas en Santiago de Compostela, converténdoa na concentración de creación, innovación e enxeño máis grande da península.
Os interesados en inscribirse no evento poden facelo a través da súa páxina web no botón “inscribirse” que aparece a continuación.
Comparte esta noticia
Outras noticias que che poden interesar
Dos proxectos seleccionados, 6 accederán ao programa de consolidación e 8 ao programa de aceleración de Business Factory Food.
O prazo para inscribirse remata o 11 de xaneiro de 2021 ás 14 horas. Ata un total de 16 proxectos innovadores de emprendemento que dean resposta aos retos da industria alimentaria serán seleccionados nesta III edición.
