Presentamos BFFood en Brasil

A presentación da segunda edición de Business Factory Food traspasou fronteiras, chegando ata o continente americano, concretamente a Brasil.

A Agrupación industrial Alimentaria de Galicia (Clusaga) desprazouse ata este país con motivo dunha misión comercial directa. Durante o desenvolvemento da mesma, o equipo de Clusaga presentou BFFood ao ecosistema tecnolóxico e empresarial da Federación de Industrias do Estado de Paraná (Fiep).

Ademais, puido coñecer as características e programa da aceleradora da Agência Sistema FIEP e da incubadora do Instituto de Tecnoloxía de Paraná (Tecpar).