O obxectivo principal do proxecto é avanzar no desenvolvemento do prototipo AONIR para transformalo nun produto viable e comercializable.
AONIR é unha plataforma baseada en espectroscopía do infravermello próximo para a caracterización en liña e en tempo real da produción alimentaria. Actualmente, realizouse un primeiro prototipo desta plataforma que se probou nunha industria láctea. A pesar dos prometedores resultados obtidos o prototipo necesita solucionar varios problemas, así como continuar coas probas en contornas reais antes de que o produto chegue ao mercado. Esta será a función de AOTECH GALICIA S.L. e para iso a empresa matriz ADVANCED OPTICAL TECHNOLOGIES transferiralle o coñecemento acumulado nas fases iniciais do proxecto.